Gazte Eguna da gaur Ormaiztegin
Bazkarian 70dik gora gazte elkartu dira. Festak jarraipena izango du arratsaldeko elektrotxarangaren kalejirarekin eta gaueko Dj saioekin.
Ormaiztegiko hirugarren Gazte Eguna ardi dira ospatzen gaur, goizetik. herriko Gazte Asanbladak antolatuta. Pilota txapelketa egin dute gazteek pilotaleku txikian egunari hasiera emateko, eta horren ondoren, “bermuteo musikatua” egin dute herriko tabernetan zehar, bazkalaurrea girotzeko.
Zubipe kiroldegian izan du jarraipena festa giroak, 70dik gora gazte elkartu dituen herri bazkariarekin. Arratsaldean, 19:00etatik aurrera kalejira egingo dute ektrotxarangarekin, eta egunari amaiera emateko, etxeko Djak izango dira musika jartzen goizaldera arte.
