BERTSOLARITZA
Uztailaren 1era arte bidal daitezke lanak Lazkao Txiki bertsopaper lehiaketara
Ordiziako Argi Berri elkarteak antolatutako 33. Lazkao Txiki bertsopaper lehiaketan parte hartu nahi duenak uztailaren 1era arteko epea du bertsoak bidaltzeko.
Ordiziako Argi Berri elkarteak antolatutako 33. Lazkao Txiki bertsopaper lehiaketan parte hartu nahi duenak uztailaren 1era arteko epea du bertsoak bidaltzeko (bertsoakargiberri@gmail.com).
Ohi bezala, lehiaketan hiru maila izango dira:
- Gaztetxoen maila: 13 urte artekoentzat (2024an 14 betetzen ez dituztenentzat). Parte hartzaile bakoitzak nahi adina bertsopaper bidal ditzake. Bertsopaper bakoitzeko idatzi beharreko bertsoak gutxienez 2 eta gehienez 4 izango dira. Gaia: ‘Olinpiar jokoak badatoz’ .
- Gazteen maila: 14-18 urte artekoentzat (2024an gutxienez 14 eta gehienez 18 urte betetzen dituztenentzat). Parte hartzaile bakoitzak nahi adina bertsopaper bidal ditzake. Bertsopaper bakoitzeko idatzi beharreko bertsoak gutxienez 8 eta gehienez 12 izango dira. Gaia, librea da.
- Helduen maila: 2005ean edo aurretik jaiotakoentzat. Parte hartzaile bakoitzak nahi adina bertsopaper bidal ditzake. Bertsopaper bakoitzeko idatzi beharreko bertsoak gutxienez 8 eta gehienez 12 izango dira. Gaia, librea da.
Sari banaketa ekitaldia irailaren 15ean izango da, Euskal Jaien barruan.
Sariak ondorengoak izango dira:
- Gaztetxoek: 200, 100 eta 50 euro.
- Gazteek: 300, 200 eta 100 euro.
- Helduek: 500, 400 eta 300 euro.
