Beasain-Orio gaueko gazte martxan parte hartzeko izen ematea zabalik dago
Uztailaren 19tik 20ra egingo dute, Aizkorri Mendizale Elkarteak antolatuta. Izena emateko azken eguna uztailaren 12a da.
Gaueko Gazte Mendi Martxa egingo dute uztailaren 19tik 20ra, Aizkorri Mendizale Elkarteak antolatuta. Hirugarren ekitaldia izango da aurtengoa. Beasain eta Orio arteko ibilbideaz gozatuko dute, eta tartean indarrak hartzeko aukerak ere izango dituzte antolakuntzaren lanari esker. 22:30ean abiatuko dira, 36 kilometroko eta 1.400 metroko desnibela duen ibilbidea egiteko. Oriora iritsi eta gosaria banatuko da, eta bazkaria, elkartearen egoitzan egingo da.
Partaideek eraman beharreko materialaz hainbat gomendio eman ditu antolakuntzak: mendirako arropa egokia eramatea; mendirako motxila, ura eta janaria eramatea; gauez ibiltzeko frontala; eta aldatzeko motxila (autobusean eramango dute antolatzaileek).
Izena emateko sakatu hemen. Azken eguna, uztailaren 12a.
