Alex Aranburu eta Gorka Izagirre Ordizian izango dira
Hemeretzi txirrindulari taldek parte hartuko dute uztailaren 25ean 101. Ordizia Klasikoan: World Teameko sei talde, ProTeam mailako zortzi eta kontinentaleko bost.
101. Ordizia Klasikoaren aurkezpena egin dute gaur eguerdian. Mende berria, belaunaldi berriarekin hasiko du Txapel Gorrik antolatutako Ordiziako Klasikoak. Aurreko bi urteetako ospakizunen ondoren, 101.a ere, besteak bezain garrantzitsuak direla azpimarratu dute gaurko prentsaurrekoan.
Hemeretzi talde etorriko dira Ordiziara uztailaren 25ean 101. Ordizia Klasikora. World Teameko sei talde, ProTeam mailako zortzi eta kontinentaleko bost. Lehenengo aldiz parte hartuko du Cofidis taldeak.
Izenen artean, ondorengoak nabarmendu dituzte antolatzaileek: hiru aldiz Ordiziako Klasikoa irabazi duen Gorka Izagirre ormaiztegiarra (Cofidis), Alex Aranburu ezkiotarra (Movistar), Igor Arrieta (UAE), Team Jaycoko De Marche eta Lottoko Thomas De Gendt. Movistarren ordezkoen artean, Oier Lazkano eta Nairo Quintana daudela aurreratu du Txapel Gorriko Josean Etxezortuk.
Bost itzuli emango dizkiote ohiko ibilbideari eta bost aldiz igoko dute Abaltzisketa eta bi aldiz Altzo. Hori bai, iaz mendeurrenagatik helmuga Garagartza plazan izan bazen ere, uztailaren 25ean Gudarien etorbidean hasi eta amaituko da.
Ordutegiak:
- Ordizia: 10:00.
- Abaltzisketa (3. maila): 10:29.
- Ordizia (tarteko helmuga): 10:44.
- Abaltzisketa (3. maila): 11:13.
- Ordizia (tarteko helmuga): 11:28.
- Abaltzisketa (3. maila): 11:57.
- Ordizia (tarteko helmuga): 12:12.
- Altzo (3. maila): 12:33.
- Abaltzisketa (3. maila): 12:47.
- Ordizia (tarteko helmuga): 13:01.
- Altzo (3. maila): 13:22.
- Abaltzisketa (3. maila): 13:36.
- Ordizia (helmuga): 13:51.
WorldTeam taldeak:
- UAE Team Emirates (UAE)
- Arkea B&B Hotels (Fra)
- Astana Qazaqstan Team (Lux)
- Cofidis (Fra)
- Movistar Team (EH)
- Team Jayco (Aus)
Pro Team taldeak:
- Burgos BH (Esp)
- Caja Rural-Seguros RGA (EH)
- Euskal Euskadi (EH)
- Kern Phrma (EH)
- Lotto Dstny (Bel)
- Q36,5 Pro Cyckling Team (Che)
- Team Polti Kometa (Ita)
- Total Energies (Fra)
Kontinental mailako taldeak
- Colombia Potencia de la Vida – Strongman (Col).
- Eurocyclingtripis – Yoeleo (Gum)
- Illes Balears Cycling (Herrialde Katalanak)
- Sidi Ali Unlock (Mar)
- Victoria Sport Pro Cycling (Phl)
101. Ordizia Klasikoko parte hartzaileen dortsalak.Loinaz Agirre.
