Kultur elkarteek ikasturte berrirako eskaintza zabaldu dute
Irailean eta urrian hasiko dira Urbieta etxeko elkarteen ikastaroak. Balleta, pintura, zeramika, argazkigintza, antzerkia eta irratigintza daude aukeran.
Bear pintura elkartekoen txokoa. 2024-2025 ikasturterako formakuntza eskaintza prest dute Beasaingo Urbieta etxean kokatuta dauden kultur elkarteek. Diziplina desberdinen ikastaroak egiteko aukera izango da. Jarraian, eskaintza guztia.
Balleta
Beasaingo Ballet Eskola elkarteak, hurrengo ikasturterako izen ematea zabalik du. Lau urtetik aurrerakoentzat da. Ballet aurrea, hastapen maila eta erdi mailan formakuntza eskaintzen dute haurrentzat, eta dantza neoklasikoa helduentzat. Urritik ekainera da iraupena. Izena emateko, beasainballeteskola@gmail.com.
Marrazketa eta pintura
Bear pintura zaletuen elkarteak, marrazketa eta pintura formakuntza eskainiko du ikasturte berrian ere. 7-12 urtekoentzat taldea, astelehenetik ostiralera 17:00etatik 18:00etara, 17:30etik 18:30era eta 17:00etatik 18:30era biltzen da (astean bi ordu edo ordu eta erdi). Helduen taldearen ordutegiak ondorengoak dira: astegunetan 18:30etik 20:30era; ostegunetan 10:00etatik 12:00etara, eta osteguna ez beste egunetan 15:00etatik 17:00etara (lau edo bi ordu asteko). Iraupena, urritik ekainera. Izena emateak: ibanaramburu@yahoo.es eta 608 478 097 telefonoan.
Zeramika eta esmaltea
Buztingintza zeramika zaletuen elkarteak, urriaren 1ean hasiko du ikasturte berria, azaroaren 28ra arte. Astean bi orduko formakuntza eskaintzen dute. Hastapen mailak eta erdi maila dituzte. Ordutegia: astearteetan 15:30etik 17:30era, eta ostegunetan, 18:00etatik 20:00etara. Beasainen erroldatutakoek dute lehentasuna. Izen ematea: buztingintza@gmail.com. Bilera informatiboa, irailaren 16an, 19:00etan.
Argazki tailerra
Argizpi argazkizale elkartearekin argazkilaritzan trebatzeko formakuntza egin daiteke. 20 orduko ikastaroa izango da, urriaren 1etik 31ra, astelehenetan eta asteazkenetan 18:30etik 20:30era. Izen emateak eta informazio osagarria, argizpi.ae@gmail.com epostara idatzita eta 666 610 593 telefonora deituta.
Antzerki ikastaroa
Hijos de Martin y Loinaz antzerki elkarteak, irailean hasiko du ikasturtea, ekainera arte. Bost urtetik gorakoentzat antzerki formakuntza eskaintzen dute. Klase egunak: 5-10 urte, astelehenetan, 17:00etatik 19:00etara; 10-14 urte, astearteetan, 17:30etik 19:30era; eta 14 urtetik aurrera, ostegunetan, 17:30etik 19:30era. Izena emateko, caneira77@hotmail.com epostara idatzita eta 619 336 420 telefonora deituta.
Irratizaleak
Goierriko Irratizale elkarteko kide izateko aukera ere zabaldu da. Irratizale elkarteko kidea izatea zer den, zertarako balio duen eta bazkide izanda erabili ahalko diren baliabideak ezagutzeko aukera dago ea2rkg@gmail.com epostara idatzita. Urteko kuota, 20 euro.
