N-I errepideko Idiazabal eta Beasaingo lotunea itxi egingo dute astelehen eta asteartean, egunez
Idiazabal eta Beasainen, gainazalaren birgaitze lanak egingo dira, eta, ondorioz, zirkulazioa itxi beharko da. Lanak uztailaren 29ko eta 30eko 07:00etan hasiko dira eta 20:00ak arte luzatuko dira.
N-I errepideko 412 kilometro puntuko lotunean eta 416-1-S eta 417-B-2 irteeretan, Idiazabal eta Beasainen, gainazalaren birgaitze lanak egingo dira, eta, ondorioz, zirkulazioa itxi beharko da lanen bilakaeraren arabera. Lanak uztailaren 29ko eta 30eko 07:00etan hasiko dira eta 20:00ak arte luzatuko dira. Eguraldiaren arabera ordutegia zerbait aldatu daiteke. Mozketak lotunean bakarrik izango dira.
Idiazabalen sartu edo N-I errepidea hartu nahi dutenek 412. lotunea (Idiazabalgo hegoaldeko sarbidea) saihestea gomendatu du Gipuzkoako Foru Aldundiak, eta 416. lotunea (Idiazabalgo iparraldeko sarbidea) erabiltzea, kalterik ez izateko.
Idiazabalera sartu nahi dutenentzat, Irunerako noranzkoan doazela, eta 412 lotura erabili ezin dutenentzat, 416-1-S lotuneko sarbidean beste afekzio bat izateko aukera dago, Arizti poligonoko biribilgunera iristeko. Kasu horretan, Olaberriako irteera erabili beharko dute, 417-1-A-S, eta noranzkoa aldatu.
Azkenik, A-636 errepidetik Gasteizera doazen ibilgailuek 417-B-1-E bide-adarra hartu beharko dute Irunerako noranzkoan, eta 419. lotunean, Lazkaoko lotunean, noranzkoa aldatu.
Desbideratzeak “behar bezala seinaleztatuta” egongo direla zin egin du aldundiak.
