Legazpin, Naturaz blai irailean
Udalak hainbat jarduera antolatu ditu naturara hurbiltzeko.
Iazko Erreka Eguna Legazpiko Udalak naturarekin lotutako hainbat jarduera antolatu ditu irailerako, eta Natura Bai izenburupean bildu ditu. Jardueretako batzuk urteko programazioan finkatuak daudenak dira, Mugikortasun Astea edo Erreka Eguna bezala. Beste batzuk berriak dira, hala nola, behaketa astronomikoa edo saguzarren gaua.
Naturara hurbiltzeko gonbidapena egin du udalak ekimen honekin. Irailaren 7an hasiko da egitaraua, behaketa astronomikoarekin, eta irailaren 16tik 22ra bitarteko Mugikortasun Astearekin jarraituko du. Irailaren 26an, Legazpiko Klima eta Energia planaren barruan egindako diagnostikoa aurkeztuko dute, eta hurrengo egunerako, irailaren 27rako, Saguzar gaua antolatu dute. Amaitzeko, ibilbide luzea duen Erreka Eguna egingo dute irailaren 28an.
