Ampo Ordiziak irabaziz hasi du denboraldia
Ordizia errugbi taldeak 10-21 irabazi du Les Abellesen zelaian. Igandean, Altamiran jokatuko du Cisnerosen aurka.
Ampo Ordiziak Les Abellesen aurka jokatu du.Hitza Ampo Ordiziak irabaziz hasi du 2024-2025 denboraldia. Valentzian (Herrialde Katalanak), Les Abelles taldearen aurkako lehen norgehiagoka, Ordiziaren aldekoa izan da, 10-21 emaitza lortuta. “Oso garrantzitsua da ondo hastea”, diote Ampo Ordiziakoek.
Mateo Arruti lapurtarrak ireki zuen markagailua, zigor golpearekin, 14. minutuan. Dena den, Les Abellesekoek entsegua eta transformazioarekin zazpi puntuak lortuta, markagailuan aurreratzea lortu zuten 21. minutuan.
Hala ere, ordiziarrak, talde lanean sendo, 35. minutuan Alain Arañak entsegua sartu eta Arrutiren ostikoarekin bi puntuak lortuta, lehenengo zatia 7-10 zutela bukatu zen.
Bigarren zatia hasi orduko (43. minutuan), Tomas Paisek ordiziarren bigarren entsegua sartu zuen.
Partida amaitu baino lehen 54. eta 62. minutuan, Mateo Arrutik eta Matias Jabasek zigor golpe bana sartu zuten, azken markagailua 10-21 utziz.
Igandean Altamiran
Bigarren jardunaldia etxean jokatuko du Ampo Ordiziak igandean, Cisneros talde madrildarraren aurka.
