Eltziegora irteera antolatu dute Idiazabalen, azaroaren 9rako
Irteeran parte hartzeko sarrerak eskuratu daitezke, jada, kultur etxean, 25 euroan.
Eltziegoko (Arabar Errioxa) ikuspegi orokorra.Hitza Idiazabal eta Eltziego (Arabar Errioxa) 2017an senidetu ziren. Ordutik etengabea izan da bi herrien arteko harremana. Martxoan, Eltziego Eguna antolatzen dute urtero Idiazabalen, eta bueltan, Eltziegora ere joaten dira urtean behin behintzat, idiazabaldarrak.
Aurten azaroaren 9rako antolatu dute Eltziegora irteera. Goizean, 8:30ean irtengo da autobusa Idiazabalgo erdigunetik. Behin Eltziegora iritsita, hamaiketakoa egingo dute (11:00); herri kirol erakustaldia izango da ondoren (12:30) eta herri bazkaria Eltziegoko plazan (14:30). Itzulerako autobusa 21:00etan izango da.
Irteeran parte hartu nahi duenak egin dezake jada izen ematea kultur etxean. Egun osorako txartela 25 euroan jarri dute salgai.
