Udalak GOIERRIKO HITZAren hornitzaile eta sostengu
GOIERRIKO HITZAk 20 urte bete baldin baditu, eskualdeko udal guztiek proiektua babesteko egin duten ekarpen eta lan guztiagatik izan da. Arduradun politikoak aldatu dira, baina sostenguari eutsi diote. Albiste barruan ikus ditzakezue Goierriko 22 udalerrietako alkateak HITZA egunkaria eskuan.
GOIERRIKO HITZAren lantaldearen izenean, eskerrik beroena eskualdeko udal guzti-guztiei. Zuen babesik gabe sekula ez zen gorpuztuko eskualdeko eta euskarazko egunkari bat sortzeko ideia, eta ez luke biziraungo 20 urte hauetan hauspoa ez bazenute emango. Zuen laguntzarik gabe, ezinezkoa litzateke gure proiektu hau aurrera eramatea, eta horrek are argiago uzten du elkar elikatzen garela.
Goierriko udal guztiak, bakoitza bere errealitate, izaera eta erronketan, beharrezkoak izan dira, eta izan zarete, gure eguneroko lana sustatzeko eta sendotzeko. Ekarpen ekonomikoaz harago, udalak dira eduki sortzaile ugarienetarikoak, informazio iturri fidagarri, ikus-entzunezko materialaren hornitzaile.
Horregatik, hitzez adierazi nahi dizuegu GOIERRIKO HITZA egunkariaren izenean, zuen esfortzu eta konpromisoari esker gaur egun arte gure bideari eutsi ahal izan diogulako. Zuek gabe, egitasmo hau ez litzateke posible izango, eta Goierriko herritarrek bertako informazioa modu hurbilean jasotzeko aukera galduko lukete.
Goierriko udalerri bakoitzak eskaintzen duen aniztasuna, kultura aberastasuna eta garapen soziala islatzea izan da beti gure helburua, eta zuen babesari esker, helburu horiek gauzatzen jarraitu ahal izango dugu etorkizunean ere. Komunikabide bat ez da soilik albisteak emateko tresna bat; zuen laguntzari esker, GOIERRIKO HITZA komunitatearen parte aktiboa izan da, eta izango da, zuen tokiko behar eta gertakizunen ispilu izaten.
Eskerrik asko, bihotzez, GOIERRIKO HITZA egunkariaren eguneroko martxa posible egiten duzuen udalei. Zuen babesari esker, Goierriko ahotsa izaten jarraituko dugu, eskualdeko herritarren onurarako eta garapenaren mesedetan. Zuen lankidetza eta konfiantza beti eskertuko ditugu, eta hemendik aurrera ere, elkarrekin bide luze eta oparoa egiteko prest gaude.
GOIERRIKO HITZA zuen udalerrietako bizitza eta gertakariak jaso, zabaltzen eta elkarrekin indartzen jarraitzeko prest dago! Eskerrik asko!
