Oianguko pilotariak pala motzeko Gipuzkoako txapelketan
Asteburuan beste lau partida jokatuko dituzte.
Oianguko palariak.Oiangu PE. Gipuzkoako pala motzeko lehenengo jardunaldia jokatu zuten pasa den asteburuan Oiangu elkarteko pilotariek. “Pilotariak oraindik jartzeko direlarik asteburu positiboa izan zela esan genezake”, diote elkartekoek
Etxean hiru partida jokatu zituzten:
- Bigarren mailako Oiangu 2 (Oiarbide-Agirrezabal) bikoteak jokatu zuen Oiangu 3 (Naldaiz-Etxeberria) bikotearen aurka (13-40). Ondoren Oiangu 1 (Otegi-Garrido) bikoteak Oiangu 4 (Gonzalez-Elorza) bikotearen aurka irabazi zuen 40-30 emaitzarekin.
- Lehenengo mailako (Mendikoa-Letamendia) bikoteak, larri bada ere, ezin izan zuen Errenteriako bikotea garaitu (35-40).
Asteburuko partidak
Asteburuan etxean bi partida bigarren mailako bi partida jokatuko dituzte, larunbatean, 11:30ean hasita, Olaberriko udal pilotalekuan.
Lehenik Oiangu 2 (Oiarbide-Agirrezabal) bikoteak jokatuko du Urnietako bikotearen aurka, ondoren Oiangu 1 (Otegi-Garrido) bikoteak Debako bikotearen aurka.
Etxetik kanpo beste bi partida jokatuko dira. Ostiralean Errenteriako Agustina Otaola pilotalekuan izango dira Oiangu 4koak (Gonzalez-Elortza) eta larunbat goizean eta Andoaingo Arrate pilotalekuan, lehen mailako bikotea (Irastorza-Letamendia).
