Argazkilaritza
Beste sari bat Gorka Gomezentzat
Legazpiko argazkilariak Donostiako udazkeneko argazki rallya irabazi berri du.
Gorka Gomez argazkilari legazpiarrak Donostiako Udazkeneko 46. Rallya irabazi du, Antonio Elesperen omenezkoa. Gipuzkoako Argazkilari Elkarteak antolatutako lehiaketa da, eta elkartearen egoitzan bertan egindako ekitaldi batean jaso zuen saria Gomezek, joan den ostiralean.
Gomezek argazki bilduma onenaren saria irabazi du, rallyan parte hartu zuten 77 argazkilarien artean.
Legazpiarra parte hartzen ari da IX. Herriz Herri Euskadiko argazki rallyen txapelketan, eta lehena doa sailkapenean.
