Elkartasuna
Trapalata txarangak bideoa egin du EITBren elkartasun maratoirako
Legazpiko musikari gazteek Mirandaolan grabatu dute 'Eskutitza' abestiaren bideoa. Aurtengo maratoiak gaixotasun kardiobaskularren aldeko diru bilketa du helburu, eta abenduaren 12an izango da.
Gaixotasun kardiobaskularretan arreta jarrita, EITBko elkartasun maratoiak erronka bota die herritarrei, Hemendik At taldearen Eskutitza abestiaren bideoa grabatzeko eta euskal telebistaren webgunean argitaratzeko. Legazpiko Trapalata txarangak parte hartu du erronkan, eta Mirandaolan grabatutako bideoa argitaratu dute dagoeneko, eskatu bezala eskuekin bihotzak osatuta.
Aurtengo maratoiak gaixotasun kardiobaskularren ikerketaren aldeko diru bilketa du helburu, eta abenduaren 12an izango da.
