Gabonak
Gabonetako argiteria bihar piztuko dute Legazpin
Probak egiteko gaur ere piztu dituzte. Errege eguna igaro arte egongo dira piztuta.
Gabonak gerturatzen ari dira pixkanaka, eta Legazpin bihar piztuko dituzte Gabonetako argiak, erdigunean eta auzoetan. Gaur San Nikolas errondarekin batera, probarako ere piztu dituzte.
Bihartik aurrera, eta urtarrilaren 7ra arte, egunero egongo dira piztuta iluntzetik 24:00ak arte. Herriko hainbat puntutan, berriz, gau osoan egongo dira piztuta, Brinkola eta Telleriarten, esaterako, baita herriko bi sarreretan ere. Latxartegi parkeko zuhaitzeko argiak ere gau osoan egongo dira piztuta.
