Gabon irudi lehiaketa egingo du Arkatzak larunbatean
Herriko Lehen Hezkuntzako ikasleei zuzenduta dago, eta Kultur Etxean izango da, 10:00etatik 13:00etara. Sei sari emango dituzte, maila bakoitzeko bana. Irabazleen lanak ikusgai jarriko dituzte Kultur Etxean.
Arkatza elkartearen urteroko Gabon irudi lehiaketa larunbatean egingo dute, Kultur Etxean, 10:00etatik 13:00etara, herriko Lehen Hezkuntzako ikasleei zuzenduta. Sei mailatan banatuko dira ikasleak, eta guztiek Gabonen inguruko marrazkiak egin beharko dituzte, arkatzak, margoak arkatz ziriak eta kotoia edo brillantina bezalako beste materialak erabilita (norberak eraman beharko ditu).
Sari banaketa hurrengo asteartean, hilak 19, egingo dute Kultur Etxean, 19:00etan. Maila bakoitzeko sari bat emango dute. Irabazleen lanak ikusgai egongo dira Gabonetan zehar, Kultur Etxean.
Iazko edizioan 33 haurrek parte hartu zuten, eta irabazleak hauek izan ziren: 1. mailan, Unai Agirre; 2. mailan Malen Nuñez; 3. mailan, Ibon Huerta; 4. mailan, Irune Ferandez; 5. mailan, Irune Garcia, eta 6. mailan, Maggi Agirregarburia.
