Auzolana
Ardantza ingurua garbitzera deitu dituzte herritarrak
Gabiriako herri kaskoa, Ardantza gainetik.Aimar Maiz Gabiriako kaskotik Madariaga gaineraino doan Ardantzako herribidea auzolanean garbitzeko deia zabaldu die herritarrei Gabiriako Udalak. Urtarrilaren 11n, larunbata, elkartuko dira eta goiz osoa igaroko dute bertan, 08:30ean hasita. Gabiriako bizilagunek oso errotuta dute natura eta jasangarritasunaren kontzientzia, izan ere, 2019. urtetik behintzat, maiztasun handiarekin egiten dituzte herriko azpiegitura eta herri bideak konpondu eta garbitzeko auzolanak.
