Gipuzkoako Eskola Txikien festa
Eskola Txikien festarako boluntarioak behar dituzte
Herritar guztientzat irekia izango den bilera egingo dute urtarrilaren 29an eskolan, 19:30ean.
Ezkio-Itsasoko eskola txikiko komunitatea, Gipuzkoako Eskola Txikien festarako aukeratutako logoaren aurkezpenean, 2024ko urrian.Gotzon Aranburu Ekainaren 8an ospatuko dute Ezkio-Itsason Gipuzkoako Eskola Txikien festa. Egun handirako oraindik hilabete batzuk gelditzen diren arren, Ezkio-Itsasoko herri eskola lanean dabil azkeneko hilabeteetan. Festarako logoa aurkeztu zuten pasa den urteko urrian eta arropa ere salgai dute dagoeneko.
Orain, festaren antolaketan laguntzeko herritarrei egin diete deia. Boluntario sare bat osatu nahi dute antolaketa lanetan aritzeko. Horretarako herritar guztientzako irekita bilera deitu dute urtarrilaren 29an, 19:30etan eskolan. Interesa duten herritar guztiak animatu dituzte bertan parte hartzera.
