Ampo Ordiziak galdu egin du Barcelonaren aurka
Atsedenaldira goierritarrak markagailuan 23-13 aurretik joan badira ere, bigarren zatian kataluniarrek 17 puntu sartu dituzte eta ordiziarrek bakar bat ere ez. Azkenean markagailua 23-30 amaitu da. Zortzigarren postua galdu dute.
Ampo Ordiziako eta Barcelonako jokalariak zelaira ateratzeko unea.Loinaz Agirre. Ampo Ordiziak ezin izan dio Barcelonari irabazi gaur arratsaldean Altamiran. Atsedenaldira goierritarrak markagailuan 23-13 aurretik joan badira ere, bigarren zatian kataluniarrek 17 puntu sartu dituzte eta ordiziarrek bakar bat ere ez. Azkenean markagailua 23-30 amaitu da.
Gaurko porrotarekin sailkapeneko zortzigarren postua galdu du Ampo Ordiziak. Liga Erregularra amaitzeko partida bakarra falta da, Burgosen aurkakoa, datorren asteburuan.
Ampo Ordiziaren entseguak Ibon Zeberiok (6 eta 23. minutuan) eta Brian Gonzalezek 16. minutuan sartu dituzte. Matias Jabasek lortu ditu jaurtiketekin gainerako 8 puntuak.
Ampo Ordiziaren gaurko taldea ondorengoa izan da:
- Tulio Sosa.
- Ibon Zeberio.
- Brian Gonzalez.
- Antxon Iriondo.
- Manu Mora.
- Griffydd Evans.
- Mikel Perez.
- Oier Goia.
- Alain Araña.
- Mateo Arruti.
- Miqueas Nuñez.
- Jesse Lowe.
- Erlantz Garmendia.
- Julen Goia.
- Matias Jabase.
Ordezkoak: Gabriel Fernandez, Aitor Lasa, Xiker Larrea. Bernie Muaiava, Aitor Olasagasti, Alvaro Vilchez, Lander Mujika eta Liher Sarriegi.
