Bertsolaritza

Emaneurreren bertso afaria, arrakastatsua

Ordiziako Tximista sagardotegian 105 bertsozale elkartu ditu Emaneurrek, Oihana Iguaran, Sustrai Colina eta Aitor Mendiluzeren bertso saioa entzuteko.

Loinaz Agirre

Ordizia

2025/02/15

Emaneurre taldeak urteroko bertso afaria egin zuen atzo gauean Ordiziako Tximista sagardotegian. 105 bertso zale elkartu ziren Oihana Iguaran, Sustrai Colina eta Aitor Mendiluzeren bertso jardunaz gozatzeko. Igor Eguren aritu zen gai jartzaile lanean. “Oso giro ona” sortu zela adierazi dute antolatzaileek.

Euskal Telebistako Hitzetik Hortzera saioko kamerak ere bertan izan ziren eta datorren larunbatean, 21:00etan, telebistaz ikusteko aukera izango da.