Baztarrika, Gaztañaditxulo eta Iztueta, Salon Gourmets lehiaketako finalera
Ardi esne gordinez egindako gazta erdi-onduaren saileko finalean daude Baztarrika eta Gaztañaditxulo, eta Iztueta lizundutako azal koipetsuko pasta bigunaren saileko finalean.

Salon Gourmets gazta lehiaketako finalean sartu dira Goierriko hiru enpresa: ardi esne gordinez egindako gazta erdi-onduaren saileko finalean daude Gabiriako Baztarrika gaztandegiko Idiazabal gazta eta Idiazabalgo Ander Barandiaran Mujika artzainaren Gaztañaditxulo Idiazabal gazta, eta lizundutako azal koipetsuko pasta bigunaren saileko finalean, berriz, Lazkaoko Iztueta Elkartearen MUU…KA gazta.
Apirilaren 7an banatuko dituzte sariak hogei sail ezberdinetan.