Film laburrak
Laburbira zirkuitua Lazkaora iritsiko da
Zortzi film emango dituzte gaur Arerian aretoan, besteak beste, 'Prosopagnosia', 'Betiko Gaua' eta 'Europa'.
Itziar Ituño da 'Prosopagnosia' film laburraren protagonista. Lazkaok Laburbira euskarazko film laburren zirkuituaren saio berri bat hartuko du gaur, 21:00etan, Arerian. 22. edizioa du ekitaldiak, eta «euskarazko zinema zabaltzea» eta «euskal zinemagileen talentua sustatzea» du helburu. Ikusleek beren kalitate eta aniztasun tematikoagatik nabarmentzen diren film laburrez gozatu ahal izango dute; zortzi lan aurkeztuko dira. Saioak hitzaldia ere izango du, eta bertaratzen direnek beren iritziak partekatu ahal izango dute. Sarrerak 2 euroko prezioa izango du.
