Euskaraldia 2025
Euskaraldiko hamaikakoa aurkeztu dute Ormaiztegin
Adin eta esparru-sozial ezberdinetako herritarrekin osatu dute hamaikakoa.
Euskaraldiko hamaikakoaren aurkezpena Ormaiztegin. Angel Elorza Maiatzaren 15etik 25era gauzatuko da aurten Euskaraldiaren laugarren edizioa. Hori horrela, herriz herri hasita daude tokian tokiko herritarrak ekimena antolatzen. Ormaiztegin, esaterako, Euskaraldiaren hamaikakoa aurkeztu zuten atzo. Adin eta esparru-sozial ezberdinetako herritarrekin osatu dute hamaikakoa eta bide batez, ormaiztegiarrei Euskaraldian modu aktiboan parte hartzeko deia luzatu diete.
Aurten ere bi roletan parte hartzeko aukera izango da: Aho bizi eta Belarri prest. Dagoeneko izena emateko epea irekita dago Euskaraldiaren web gunearen bitartez.
