Ormaiztegin abiatu da Dantzari Txikien Goierriko egutegia
Gabiriako Goruntz dantza taldeak antolatu du ekimena. Oin Arin (Lazkao), Irrintzi (Urretxu-Zumarraga), Amets Bide (Ordizia) eta Jalgi (Zarautz) dantza taldeek ere hartu dute parte.
Dantzari Txiki eguna, atzo, Ormaiztegin.Angel Elorza Gabiriako Goruntz dantza taldeak antolatuta, Dantzari Txiki eguna ospatu zuten atzo Ormaiztegin. Hala egiten dute aspaldidanik, urte batean Gabirian eta hurrengoan Ormaiztegin.
Gabiriakoekin batera, Oin Arin (Lazkao), Irrintzi (Urretxu-Zumarraga), Amets Bide (Ordizia) eta Jalgi (Zarautz) dantza taldeek hartu zuten parte atzoko ekitaldian.
Egun osoko jaia izan zuten. Goizeko 11:00etan herriko frontoian elkartuta, kalejira egin zuten herriko kaleetan zehar. Udaletxe pareko plazan dantza saio batekin amaitu zuten guztiek. Ondoren, bazkaria egin zuten frontoian, eta eguna borobiltzeko, Modestorekin dantzaldia izan zen 16:00etatik aurrera.
Argazkiak: Angel Elorza eta Ormaiztegiko Udala
