Trafiko mozketa
San Inazio kalea trafikoarentzat itxita
Apirilaren 4ra arte itxita egongo da asfaltatzeko lanak burutzeko .
San Inazio kalea, Beasaingo Udalak jakinarazi duenez, San Inazio kalea bere osotasunean itxita egongo da apirilaren 4ra arte, kalea asfaltatzeko lanak burutzeko. Ondorioz, ibilgailuen trafikoa erabat moztuko da, eta hainbat eragin izango ditu inguruko erabiltzaileentzat.
Trafiko-mozketa eta sarbide murrizketak:
- Garajeak eta ibiak: San Inazio kaleko garaje komunitario eta pribatuetara sartzea ezinezkoa izango da.
- Autobus-geltokia: Esteban Lasa 7ko geltokia ez da erabilgarria izango epe horretan. Hurbilen dagoen geltokia Zelaeta Berri plazakoa izango da.
- Zama-lanak: Zamalanak egitea debekatuta egongo da. Behin-behineko gune bat ahalbidetuko da Erauskin plazan, obrako materialak biltzeko eremu pareko aparkalekuetan. Zamalanetarako gunera sarbidea Nafarroa Etorbidetik egin ahalko da 07:00etatik 13:00etara, edo Martina Maiz kaletik 07:00etatik 19:00etara.
