Korostik oin puntetan jarriko ditu dantzari txikiak igandean Legazpin
Haurrak Oin Puntetan festa ospatuko da, goizez. Zazpi dantza taldek parte hartuko dute.
Iazko Haurrak Oin Puntetan festa.Maider Insausti Iaz Haurrak Oin Puntetan Eguna izendatu ondoren, igande honetan, apirilak 6, dantzari txikien topaketa horren bigarren edizioa egingo dute Legazpin, Korosti taldeak antolatuta. Goizez izango da dantza festa, eta aurten, Korosti bera sartuta, zazpi dantza taldek parte hartuko dute.
Beasaingo Aurtzaka, Urretxu-Zumarragako Irrintzi, Urretxuko Lurra, Iruñeko Oberena, Antzuolako Oinarin, Aretxabaletako Leizarri eta Legazpiko Sustraiak izango dira Korostiren gonbidatuak. Musika jartzeaz, Goiz Deia txistulari bandako kideak eta Doinuzar dultzaineroak arduratuko dira, dantza talde bakoitzeko musikariekin batera.
Dantzariak 11:00etan elkartuko dira Laubiden, eta kalejiran abiatuko dira gero plazarantz. Desfilean, asteburu honetan egingo den Erdi Ardoko feriako artisauekin batera biliko dira dantzariak. Plazan, 12:30ean elkartu eta dantza emanaldia egingo dute guztiek batera.
