Latxartegiko zinema komertziala, HTK Film enpresaren esku
Gaurtik aurrera kudeatuko ditu zinema komertzialeko saioak. Maiztasuna, ordutegiak eta prezioak ez dira aldatuko.
Latxartegi aretoko zinema komertziala HTK Film S.L. enpresak ustiatuko du gaurtik aurrera. Udalak lehiaketa bidez esleitu dio ustiaketa.
Denboraldia amaitzeko geratzen den hilabetea, beraz, enpresa berriaren esku geratu da, eta berak kudeatuko ditu apirileko zine komertzialaren saioak. Saio horien maiztasunean, ordutegietan eta prezioetan ez da aldaketarik egongo. Hala ere, Aste Santua tarteko apirila berezia izango da, eta Pazko Astelehenekoa saio arrunta izango da, eta ikuslearen eguna asteartean egingo dute, apirilaren 22an alegia. Horrez gain, Aste Santuko asteburu horretan ez da haurrentzako zine saiorik egongo.
Bestela, larunbatetan 19:00etan eta igandeetan 19:30ean izango dira saioak, eta sarreraren prezioa 6 eurokoa izango da. Astelehena ikuslearen eguna izango da, saioa 19:30ean izango da, eta sarreraren prezioa 5 eurokoa. Azkenik, haurrentzako saioak igandeko 17:00etan izango dira, 4 euroko prezioan. Sarrerak on line erosteko aukera izango da, https://latxartegisarrera.sacatuentrada.es/ loturan, eta bertan izango da ikusgai karteldegia eta pelikulei buruzko informazioa.
APIRILA. ZINE KOMERTZIALA LATXARTEGI ARETOAN
- 6 igandea eta 7 astelehena: “Wolfgang (Extraordinario)”
- 6, igandea: “Kaixo, Frida”. Haurrentzat. EUSKARAZ
- 12, larunbata, 13 igandea eta 14 astelehena:“La huella del mal”
- 13, igandea: “Blancanieves”. Haurrentzat.
- 19 larunbata, 20 igandea eta 21 astelehena: ”Un funeral de locos”.
- 22, asteartea (ikuslearen eguna): ”Un funeral de locos”.
- 26, larunbata, 27 igandea eta 28 astelehena: “Faisaien irla” ESTREINALDIA. Jatorrizko bertsioan, gazteleraz azpi-idatzita.
- 27, igandea: “Minecraft pelikula”. Haurrentzat. EUSKARAZ
