Legorretan ere, abizenak euskaratzeko kanpaina
Abizenak euskarazko grafiaz jartzeko kanpaina jarri dute martxan UEMAk eta Legorretako Udalak elkarlanean.
Itsasondon eta Idiazabalen bezala, abizenak euskarazko grafiaz jartzeko kanpaina jarri dute martxan UEMAk eta Legorretako Udalak elkarlanean. Horretarako dokumentu hauek behar dira:
- Nortasun Agiriaren fotokopia.
- Jaiotza ziurtagiria. Udaletxean edo bake epaitegian eskatu daiteke.
- Errolda agiria. Udaletxean eskatu behar da.
- Familia liburua. Seme-alabarik izanez gero edo ezkonduta egonez gero.
Dokumentu horiekin guztiekin, Legorretako bake epaitegian egin daiteke prozesua. Ordutegia ondorengoa da: asteazkenetan: 09:00-14:00 eta ostiraletan: 12:00-14:00.
