Uztailai udalekuetan begirale izateko izena eman daiteke
Legazpiko udaleku irekiak uztailean izango dira, eta aurten Lorratz elkarteak koordinatu eta zuzenduko ditu.
Legazpiko Udalak aurtengo Uztalai haurren udaleku irekietarako begiraleak kontratatzeko deialdia egin du, eta gaur bertan ireki du izenak emateko epea. Apirilaren 16ra arte egongo da zabalik.
Urtero bezala, Legazpiko udaleku irekiak uztailean zehar egingo dira, eta Haur Hezkuntzako bigarren mailatik Lehen Hezkuntzako laugarren mailara bitarteko herriko haurrei egongo dira eskainita.
Udaletxeko arreta bulegoan izen-emate orria aurkeztuta, edo udaleko egoitza elektronikoaren bidez eman daiteke izena. Informazio gehiago www.legazpi.eus webgunean aurki daiteke. Eskatzaile guztiak 18 urtetik gorakoak izan behar dira, eta herrikoek lehentasuna izango dute.
Aurten, udalekuak koordinatzeko eta zuzentzeko lanak zuzenean kontratatuko ditu Udalak eta Lorratz elkartea izango da lan horretaz arduratuko dena.
