Iñigo Legorburu oreretarrak irabazi du Florentino Goibururen bertsopaper lehiaketa
Bigarren saria ere beretzat izan da eta hirugarrena, Ordiziako Iraitz Sarasolak irabazi du.
Iñigo Legorburu saria jasotzen ostiralean, Idiazabalen. Aitor Goiburuk Florentino Goibururen iloba eta epaile taldeko kideak eman zion saria.Idiazabalgo bertso taldea Pasa den ostiralean banatu zituzten Florentino Goiburu zenaren omenezko bigarren bertso paper lehiaketako sariak Idiazabalgo bertso taldeak antolatuta. Irñigo Legorburu oreretarrarentzat izan zen lehendabiziko saria, Bizitzaren golak bertso sortarekin. Bertan neskato baten begiradatik futbolaren inguruan astebururo bizitakoak kontatzen ditu, besteren artean, gurasoen jarreraren inguruko kritika gogorra eginez.
Bigarren saria ere Legorbururentzat izan da, Epail(h)ertzak lanarekin. Bertso epaile bezala bizitakoak jaso ditu sorta honetan. Hirugarren saria Goierrin geratu da; Iraitz Sarasola ordiziarrak jaso zuen saria Izarapeko gogoetak bertso bildumari esker; izenburuari men eginez, gogoeta intimoak egiten ditu bertso aldian.
Ekitaldia arrakastatsua izan zen, “50 bat ikusle” bertaratu ziren udaletxeko areto nagusira eta lepo bete zen. Lehenik, Aita Iparragirre herri eskolako 5. eta 6.en mailako ikasleek aurrez eskolan prestatutako bertsoak kantatu zituzten. Ondoren, sarituek beraien bertsoak kantatu zituzten eta azkenik, Goierriko bertso eskolako Uhaitz Oiartzabal eta Amets Zubizarreta bat-batean aritu ziren.
BIZITZAREN GOLAK
Doinua: Trumoia ortzi beltzean hoska (X. Amuriza)
