Etzegaraten 'bypass-a' jarriko dute larunbatean
Goizeko zortzietatik iluntzeko zortzietara egokituko dute Etzegarateko lanak direla eta. Bide alternatiboak erabiltzeko gomendatu du aldundiak.
Etzegarateko autobidea airetik. Gotzon Aranburu Etzegarateko larrialdiko euste-lanekin zerikusia duten jarduketaren barruan, 408+200 eta 408+620 kilometro puntuen arteko N-I errepidea hamabi orduz erabat itxiko dela jakinarazi du aldundiak. Hormigoizko “L” hormak kentzeko lanak egingo dira.
Lan horiek egiteko, ezinbestekoa izango da Irun noranzkoko errepide osoa okupatzea, eta, ondorioz, N-I errepidea erabat itxiko da 408+200 eta 408+620 kilometro puntuen artean. Lanak maiatzaren 10eko 08:00etan hasiko dira, 12 orduko iraupenarekin, eta maiatzaren 10eko 20:00etan amaituko dira.
Hala ere, zirkulazioa bermatzeko, bypass-a egokituko da goizeko zortzietatik iluntzeko zortzietara. Bitartean, honako ibilbide alternatiboak erabiltzea gomendatu dute: GI-2637 errepidea, Otsaurteko mendatetik eta A-15 eta N-121-A errepideak, Gipuzkoa eta Nafarroa arteko joan-etorrietarako bide egokienak izanik.
