MENDI LASTERKETAK

Martin Diez eta Ainhoa Intxausti etxean garaile, Sanson probako ibilbide luzean

VIII. Segura-Zerain mendi lasterketan Martin Diez eta Ainhoa Intxausti gailendu dira proba luzean. Sprint distantzian, Aimar Larreak eta Eider Zubeldiak irabazi dute.

Lide Egizala Urteaga

Segura,Zerain

2025/05/11

Bi segurarrek irabazi dute VIII. Segura-Zerain mendi lasterketa, Trail modalitatean (25 km). Gizonezkoetan Martin Diezek gurutzatu du helmuga lehenengo, 2:17:24 denborarekin, eta emakumezkoetan, Ainhoa Intxaustik, 2:51:46 denborarekin. Sprint modalitatean (14,5km), Aimar Larrea antzuolatarra eta Eider Zubeldia amezketarra gailendu dira. Larreak 1:07:51 behar izan du ibilbidea osatzeko, eta Zubeldiak 1:26:46. Aurten ere korrikalariek ez dute errekorra hausterik izan, baina inoiz baino parte hartze handiagoa izan da bi lasterketan.

9:30etan abiatu dira ibilbide luzeko korrikalariak, Segurako plazatik, eta 10:00 motzekoak. Eguraldia lagun izan badute ere, lokatz ugari izan dute zirkuito osoan zehar. Iaz bezala, irabazleek Sanson harriaren erreplika batekin zeharkatu dute bukaerako marra.

Sailkapen guztiak lotura honetan kontsulta daitezke.

SAILKAPENA:

14,5 KM

Gizonezkoak: