Futbola
Elene Lete atezain zumarragarrak Ingalaterran jokatuko du
Elene Lete atezain zumarragarrak Ingalaterrako Women’s Super League-ko London City Lionesses taldean jokatuko ditu hurrengo bi denboraldiak. Letek Urolan eman zituen lehen pausoak eta Realaren eskutik heldu zen lehen mailara. 2018an Realarekin fitxatu zuen eta 2021ean Realaren lehen taldearekin debuta egin zuen. Lehen atezaina izan da azken denboraldietan, baina Realean ez jarraitzea erabaki du. London City Lionesses taldeko entrenatzaileak, Jocelyn Precheur-ek, Letek esperientzia handia duela azpimarratu du. “Atezain handia da eta bere ezagutza eskainiko digu. Zorte handia da bera taldean izatea”.
Iturria: Noticias de Gipuzkoa
Argazkiak: London City Lionesses
