102. Ordiziako Klasikoa

Igor Arrieta garaile eta UAE nagusi podiumean

UAE taldeko hiru kidek osatu dute podiuma: Igor Arrietak, Isaac del Torok eta Antonio Morgadok.

2025/07/25

Igor Arrieta nafarra izan da 102. Ordiziako Klasikako txirrindulari probako irabazlea. Azken kilometroetara arte lehia estua izan da ziklisten artean. Helmugara iristeko 12 km falta zirela, Isaac del Toro (UAE) mexikarrak eraso indartsua jo du, lehenengo postuan zihoazen Simon Carr (Cofidis) eta Igor Arrieta (UAE) lasterkariak atzean utziz.

Azken 2 kilometroetan, Del Torok erritmoa jaitsi du bere taldekide Arrieta itxaroteko. Gazte nafarrak ez du keinua alferrik galdu, eta helmuga gurutzatzen lehena izan da. Bigarren iritsi da Del Toro, eta 16 segundora Antonio Morgado (UAE). Horrela, UAE taldeko hiru txirrindularik osatu dute podiuma.