CAF taldeak Polonian duen posizioa hobetu du
109 ibilgailu hornituko ditu guztira, 80 milioi eurotik gorako balioarekin.
CAF taldeko Solaris enpresak kontratu berriak sinatu ditu Polonian, Varsovia eta Gdansk hirietarako 109 autobus elektriko hornitzeko, hiri horietako zero isuriko garraio-flota nabarmen handituz. Kontratu hauei esker, 80 milioi eurotik gorako diru-sarrera izango du taldeak.
Varsovia: 79 autobus eta aukera gehiago
Solarisek eta Varsoviako operadore publikoa den MZAk 79 autobus elektriko hornitzeko akordioa itxi dute. Horietatik, 50 Urbino 18 modelo artikulatuak izango dira eta 29 Urbino 12 estandarrak. Gainera, kontratuak beste 79 unitate gehiago erosteko aukera jasotzen du.
Ibilgailuek propultsio-sistema modularra izango dute, bateriak sabaian kokatuta, eta horrek bidaiarientzako espazio gehiago eskaintzen du. Autobusek Solaris High Energy bateriak izango dituzte: 5o0 kWh-tik gorakoak 12 metroko modeloetan eta 700 kWh-tik gorakoak artikulatuetan. Halaber, GSR2 segurtasun-arauak beteko dituzte, angelu itsuaren monitorizazioa edo gidariaren lora-alerta bezalako sistemekin.
Varsoviak dagoeneko 163 autobus elektriko ditu Solaris markakoak, eta kontratu berri honi esker, Europako hiri nagusien artean flota garbienetakoa izango du.
Gdansk: lehen kontratua zero isuriko autobusentzako
Bestalde, Solarisek 30 autobus elektriko hornituko dizkio Gdanski, hiri horrek enpresarekin sinatzen duen lehen kontratua da zero isuriko flotari dagokionez. Flota honek 12 metroko 18 autobus eta 18 metroko 12 artikulatu izango ditu, eta GAiT enpresa publikoak operatuko ditu.
Autobus bakoitzak bi karga-hartune izango ditu, mantentze-lanak errazteko. Kapazitateari dagokionez, Urbino 12 modeloak 70 bidaiari hartuko ditu, eta Urbino 18 artikulatuek 107 lagun.
Merkatu estrategikoa Polonian
Solarisek 28 urte daramatza Varsoviako operadorearekin lanean, eta ordutik, 1.350 autobus hornitu ditu. Oro har, enpresa Poloniako hiri-autobusen merkatuan liderra da 20 urtez baino gehiagoz, %50 inguruko kuotarekin.
Gaur egun, Poloniako merkaturako eskaera-zorroa 900 unitate ingurura iristen da eta 500 milioi eurotik gorakoa da. Aurten bakarrik, enpresak kontratuak itxi ditu herrialdeko operadoreekin 750 autobus berri baino gehiagorako.
Poloniak, bestalde, 2026tik aurrera, 100.000 biztanletik gorako hirietan erasitako autobus guztiak zero isurikoak izateko lege-betebeharra izango du, eta Solaris horren aurretik ari da bere posizio estrategikoan.
