Iparragirre Eraikuntzak enpresari aitortza egin diote Enpresa Txiki eta Ertainen sarietan
"Prestakuntzaren eta kalitatezko enpleguaren aldeko apustu sendoagatik" jaso du aitortza Idiazabalgo eraikuntza enpresak.
Idiazabalgo Iparragirre Eraikuntza Lanak enpresako arduradunak, saria jasotzen.Hitza Idiazabalgo Iparragirre Eraikuntza Lanak enpresa saritua izan da Gipuzkoako 2025eko Urteko Enpresa Txiki eta Ertainen Sarietan “prestakuntzaren eta kalitatezko enpleguaren aldeko apustu sendoagatik”.
Banco Santanderrek eta Merkataritza Ganberak antolatutako sari hauek lurraldeko garapen ekonomikoan, berrikuntzan eta enplegua sortzen egindako ekarpenagatik nabarmentzen diren enpresak aitortzen dituzte.
Epaimahaiak bereziki nabarmendu du Iparragirreren konpromisoa pertsonen garapen profesionalarekin, etengabeko prestakuntzaren sustapenean duen rola, eta eraikuntza sektorean enplegu egonkor eta kualifikatuaren eredua sendotzeko egiten duen lana.
“Prestakuntza eta pertsonen garapena dira etengabeko hobekuntzaren eta enpresaren hazkunde jasangarriaren oinarri nagusietako bi”, nabarmendu du Iparragirreko zuzendaritzak.
75 urteko ibilbidea osatuta, Iparragirrek “profesionalizazioaren, berrikuntzaren eta gizarte-erantzukizunaren aldeko bere apustua” berresten du, “Gipuzkoako eraikuntza sektorean erreferente sendo gisa sendotuz”.
Ibon Iparragirre, saria jasotzen.Hitza
