Euskararen Eguna: Asteburuko ekitaldiak
Euskararen Nazioarteko Eguna abenduaren 3an bada, Goierriko hainbat herritan gaur hasita antolatu dituzte girotze ekitaldiak.
Ezkio
- Abenduaren 1etik 7ra: Egunean Behin aplikazioko taldean, puntu gehien lortzen duenak Argindegin bi pertsonarentzako otordua irabaziko du. Esteka, herriko difusio kanalean.
Lazkao
- Gaur: Kantujira berezia, Lazkaoko ikastolaren ekimenez, 10:45ean.
- Bihar: Zagupe Astialdia Taldeak antolatuta, jolasak LHko ikasleentzat, 17:00etan.
- Etzi: Lazkaoko Erraldoi eta Buruhandien Konpartsa kalerik kale, 11:00etan hasita. 17:00etan, berriz, Super Charlie filma emango dute euskaraz Arerian, haurrentzat.
Legorreta
- Gaur: Esnatu ala hil. Euskararen oraina eta geroa, diagnostiko baten argitan liburuaren aurkezpena eta solasaldia Garikoitz Goikoetxearekin, 18:00etan, Udaletxeko Areto Nagusian.
Olaberria
- Abenduaren 5erako izen-ematea: Xalbadorrenetik bertsogintza afaria eta kantaldia egingo dute 20:00etan Areto Berrian. Gaur da izena emateko azken eguna, 20 euroren truke.
Ordizia
- Astelehenean: Jolas Molaz, euskarazko mahai jolasak ezagutzeko eta probatzeko saioa, Udaletxeko Areto Nagusian, 17:00etatik 19:00etara. 3 eta 5 urte arteko haurrei zuzenduta.
Ormaiztegi
- Bihar eta astelehenean: Festetan photocall-a jarri da euskararen aldeko aldarriekin argazkiak ateratzeko. Bihar 14:30etik 15:00etara kiroldegi kanpoan jarriko da, mozorrotutako kuadrillentzat, eta astelehenean 12:30etik 13:00etara kiroldegi barruan, haur parkean ibiliko diren familientzat. Angel Elortzak aterako ditu argazkiak.
Zumarraga
- Bihar: Mintzodromoa Zelai Arizti kultur etxean, 11:00etan. Ondoren, Argazki-Hizkiak lehiaketako sari banaketa, Antxiñe Mendizabalek Katona liburuko pasarte bat irakurriko du eta Olaia eta Amaiurren musika emanaldia.
