Ahoztar Zelaietaren liburu aurkezpena bihar, Buskabaso elkartean
'El Pradalismo. El ocaso de los JoBuBi' da liburuaren izenburua, eta 19:00etan izango da, auzo elkartearen lokalean, San Ignazio auzoan. Sarrera librea izango da, lokalaren edukiera bete arte.
Ahoztar Zelaieta 'El Pradalismo' liburuaren aurkezpenean. Buskabaso auzo elkarteak antolatuta, Ahoztar Zelaieta ikerketa kazetariak bere azken lana aurkeztuko du ostiralean, 19:00etan, elkartean bertan, San Ignazio auzoko lokalean. El Pradalismo. El ocaso de los JoBuBi da liburuaren izenburua, eta biharko aurkezpenerako sarrera librea izango da, lokalaren edukiera bete arte.
Txalaparta argitaletxearekin iazko irailean kaleratu zuen liburua. Imanol Pradales lehendakariaren ibilbidea aztertzen du bertan Zelaietak, bere lidergoarekin kritiko diren ahotsetatik abiatuta. «Gaur egungo botereari, ustelkeriari eta egitura politikoei buruzko ikerketa lan bat da».
Zelaietaren arabera, Imanol Pradalesek EAJ goitik behera astindu zuen belaunaldi erreleboa protagonizatu zuen. «Pradales, euskayetanoak deiturikoekin eta soziologoen klanarekin batera, gakoak dira gaurko erakunde sarean eta alderdi jeltzalearen barruko botere banaketan. Pradalesen igoerak bat egin zuen JoBuBi Jovenes Burukides Bizkainos gisa ezagutzen direnen gainbeherarekin».
Berrantolaketa hori azaltzen dituzten «ibilbideak, aliantzak eta barruko tentsioak» azaltzen ditu liburuak, eta gida bat eskaintzen du «EAJren barruan dauden talde desberdinen arteko kuota banaketa eta horrek euskal erakundeetan eta gizartean dituen ondorioak» ulertzeko.
