Pako Saizi, esker onez
Atleta popularren Jatorrak taldeak, eski taldeak eta beste ehun norbanakok baino gehiagok gure esker ona adierazi nahi diogu Pako Saizi Ordiziako Odol-emaileen taldearen gidari izan delako, ekintza humanitarioen alde jardun duelako eta egunero-egunero herritarron bizitzak hobetzearen alde egin duen lan guztiarengatik.
Era berean, esan, benetako ohorea eta pribilegio handia izan dela gure ondoan izatea. Azken 50 urteotan egin duen lana eskertzeaz gain, eskaini digun babesa eta eskuzabaltasuna goraipatu nahiko genituzke. Odol-emaileen elkartean erakutsi duen konpromisoa izan da gure lanaren ardatza eta gure komunitateko bizitza asko salbatzeko akuilu.
Idatzi hau sinatzen dugunok gure bene-benetako esker ona adierazi nahi diogu egin duen lan solidarioarengatik, hamarkadaz hamarkada izan duen konpromisoarengatik. Mende erdiz bere espiritu altruistaren lekuko izan gara, sekula distira egiteari utzi ez dion sugar baten modura. Odol-emate bakoitza itxaropen hazi bat izan da behar izan duenarentzat, beste urrats bat mediku-tratamenduen hobekuntzan, eta gizakiak ongintzan aritzeko duen gaitasun ikaragarriaren erakusgarri ere bai.
Gure bihotzek eskertasun handia sentitzen dute zurekiko egin duzun guztiarengatik, eta eskaini diguzun babes guztia errekonozitu nahi dizugu hitz hauen bidez. Eskerrik asko zure denborarengatik, zure ardurarengatik eta beti gorputz eta arima aritzeagatik.
