Ezker abertzaleak babesa adierazi die Goianeko langileei
Lazkaoko ezker abertzaleak elkartasuna eta gertutasuna adierazi die Elevadores Goian enpresako langileei, ohar batean. Jaso Taldeko lantegi horretan urtarrilaren 2az geroztik greban daude, bi lankide kaleratu izanaren aurka protestan. Ezker abertzaleak dio enpresaren kudeatzaileak lan erreforma baliatu duela, «axolagabekeriaz erantzunez». Langileen aldarrikapenak erantzunik gabe» jarraitzen duela gaineratu du; «inongo akordiorik bilatu eta eztabaidatu gabe». Lan erreformaren neurriak ez ezartzeko, eta kasu honetan Jasoko zuzendaritzari «arduraz jokatu eta esku hartzeko» dei egin dio.
