Karlos Argiñano sukaldari beasaindarra omendu dute gaur Donostiako Kursaal-en egiten ari diren Gastronomika 2010 kongresuan. “Iñor iritsi ez den lekura iristeagatik” omendu dute Argiñano Euskal Herriko sukaldaririk ezagunenek. Juan Mari ...
Abiadura Handiko Trena igarotzeko tunela ireki dute gaur goizean Beasain eta Ordizia arteko zatian. Beasaingo Loinazko San Martin baseliza ondoko ahotik kilometro batera ireki dute zuloa. Beasain eta Ordizia arteko zatiak 2.159 metro ditu eta lanak orain urte bete hasi ziren, 2009ko azaroan. Lanak amaitzeko 32 hilabeteko epea dago, baina Iñaki Arriola Garraio sailburuak jakitera eman duenez, “lan hauek aurreikusi baino zazpi hilabete lehenago amaitu ditugu”. Aipatutako zatiaren gehiengoa tunela izango da, ia bi kilometro, eta gainontzeko metroak Usurbe eta Mariaratz errekak igarotzeko zubien gainetik egingo ditu trenak. Beasaingo zatiak guztira bost tunel eta lau zubi izango ditu. Ordiziako aldetik hasita Mariaratz erreka igarota izen bereko tunela zeharkatuko du lehenik AHTk, ia bi kilometro luzekoa. Usurbe ibaia zeharkatuta berriro tunelean sartuko da 347 metro. Loinatz eta Itola dira Beasaingo zatiko bigarren eta hirugarren tunelak, 347 eta 201 metrokoak hurrenez hurren. Arriarango tunela izango da laugarrena, 467 metrokoa, eta handik Ezkio-Itsaso aldera jarraituko du trenak. Beasain eta Ezkio arteko lanak “aurki” hasiko direla iragarri dute. Eskualdean Beasain mendebaldeko zatian, Ordizia eta Itsasondo artean eta Legorretan ari dira egun lanean. Ezkio eta Antzuola arteko lanak berriz, lizitazio prozesuan daude. Hala, 2011n hamairu zatitan ariko dira lanean Eusko Jaurlaritzatik zehaztu dutenez, “Gizpukoako zatiko [...]
Ampo Ordiziak galdu egin du Bizkaia Gernikaren kontra, eta hirugarren posturaino jaitsi da. Partida parekatua jokatu zuten atzo bi euskal taldeek, eta bi minuturen faltan, ordiziarrak 6-10 aurretik zirela etorri zen bizkaitarren entsegua. Taldetik azal...
Atzo, igandea, ospatu zen Gabirian errezil sagarraren eguna. Hamargarren urtez lehiaketa egin zen, herriko 16 baserritatik aurkeztu zituzten bina saskikada sagarrekin. Bestetik, seigarren aldiz sagar-goxo edo menbrilu lehiaketa ere izan zen. 15 partaid...
Gipuzkoako Erlezainen Elkarteak (GEE) prentsa aurreko agerraldia egin du gaur, asiar liztorra Hego Euskal Herrira ere iritsi direla eta duten kezka agertzeko. Erlezainak beldur dira, Ipar Euskal Herrian eta Frantzian gertatu den bezala, hemengo erlauntzetan ere kalte handiak eragin ditzakeela eta. Izan ere, Vespa Velutina liztorrak, erlauntzetara sartu eta erleak jaten ditu. Dagoeneko, Irun, Hondarribia eta Oiartzun inguruan aurkitu dute espezie hau. Bordeleko portura itsasontzi batean etorri zela uste dute, eta Frantzian eta Ipar Euskal Herrian asko zabaldu da orain arte. Egoitz Galartza GEEko albaitariak azaldu duenez, asiar jatorriko liztor honek “33 milimetro ditu, ia erabat beltza da eta hori eta laranja koloreko segmentuak” ditu. 4 eta 6 metro arteko zuhaitz eta teilatupeetan egiten dituzte kabiak, eta bakoitzean 1.800 bat liztor egon daitezke. Bere elikagai nagusia erle arrunta da, eta bi astetan, erle kolonia oso bat akabatzeko gai dira. Hau ikusita, “neguan kolokan egon liteke erleen hazkundea, eta honek ondorio ekonomikoak eta ekologikoak izan ditzake”. Etor litekeenaren aurrean, neurriak hartzea erabaki du GEEk eta horretarako, Ipar Euskal Herriko eta Frantziako elkarte eta erakundeekin harremanetan jarri dira dagoeneko, hango esperientziak ezagutu eta aurre nola egin dioten jakiteko. Momentuz, bi neurri hartuko dituzte. Batetik, liztor hauek harrapatzeko tranpak jarriko dituzte. Bestetik, aurkitzen [...]
Otamotz.com Ostiralean egin zen gaztetxoei zuzendutako XV. sukaldaritza lehiaketan 84 gaztetxok hartu zuten parte. Aurten prestatu beharreko platera oilaskoa arrozarekin izan da.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
