Olaberrian, Lazkaon eta Itsasondon Euskararen Eguna ospatuko dute gaur
Mundu mailan euskara badela gogorarazteko eguna da gaur, Xabierko Frantziskoren datan Eusko Ikaskuntza 1949an ospatzen hasi zenez geroztik. Goierrin ekitaldi mordoxka prestatu dute udalek, euskara elkarteek eta ikastetxeek. Goierriko ekialdean, Itsason...
Mundu mailan euskara badela gogorarazteko eguna da gaur, Xabierko Frantziskoren datan Eusko Ikaskuntza 1949an ospatzen hasi zenez geroztik. Goierrin ekitaldi mordoxka prestatu dute udalek, euskara elkarteek eta ikastetxeek. Goierriko ekialdean, Itsasondon, Lazkaon eta Olaberrian egingo dute festa gaur. Hitzara bidali dituzten egitarauak ikusteko, klikatu albistean.
Olaberrian, gaur:
- 15:30. Umeen antzerkia eta abesti emanaldia.
- 16:15. Askaria umeentzat.
- 16:45. Haur jolasak.
- 17:45. Txan magoa, haurrentzat eta helduentzat.
- 19:00. Talo jana, trikitilariek alaituta, Arkupe elkartean.
Antolatzaileak: Kuttun guraso elkartea, herri eskola, haur eskola, Arkupe elkartea eta Euskara Batzordea.
Itsasondon, gaur:
- 14:00etatik 16:00etara. Eskolan festa.
- 17:00. Ipuin kontaketa Iñaki Lasarekin, Gaztelekuan.
- Txokolate jana, plazan.
- Trikitilariak kalerik kale.
Lazkaon, gaur: (San Benito Ikastola)
- Goizean: Argitxo maskotaren urtebetetzea ospatzeko festa. Eskulanak, margoketa eta abestiak.
- Eguerdian: Pregoia irakurtzea, LHko ikasleek, San Prudentzioko patio itxian. Behin betiko abestia denek batera abestea.
- LH6ko ikasleek aurrez egindako marrazkiak herrian barrena jarriko dituzte.
- Arratsaldean: jokoak, HHkoek ikastolako jolastoki itxian, LHkoek kiroldegian. Txokolate-ogitartekoa.
