Trafiko aldaketak Urretxuko San Martin auzoan obrak direla-eta
Urretxuko udaltzaingotik jakitera eman dutenez, datorren astelehenetik aurrera, Zumarragako Kalebarren kalean egingo diren obrak direla-eta, San Martin auzorako ibilgailuen sartu-irtenak Barrenkale kaletik egin beharko dira.
Hortaz, gidariei «hartu beharreko neurriak» har ditzaten eskatu diete eta barkamena eskatu dute sor daitezkeen eragozpenengatik. Horrez gain, Barrenkale-San Martin artean «arretaz gidatzeko» eskatu dute, zirkulazioa noranzko bikoitzekoa izango baita.
