Usoa Zumetaren lan grafikoen erakusketa
Gaur irekiko dute Usoa Zumetaren erakusketa Urretxuko Juan de Lizarazu aretoan. Serigrafiazko lanez osatutako erakusketa da. Lan grafikoak ordea, ez dira bereak. Jose Luis Zumetaren, Koldobika Jauregiren, Nestor Basterretxearen, Dora Salazarren, Judas Arrietaren edota Hugh Mc Carthyren lanen erreprodukzio grafikoen bilduma jarriko du Zumetak erakusgai. Erakusketa asteartetik igandera egongo da zabalik, 17:30etik 20:30era eta artista bertan izango da. Gaur 19:00etan irekiko dute.
