Fideletxeko errifaren zozketa udaletxean egingo dute, txartelak hara eramanda
Hirugarren aldiz zenbakia aterata ere saridunik agertu ez denez, Lazkaon erretako Fideletxeko bizilagunen aldeko errifan aldatu egin dute zozketa egiteko era. Udaletxeko sarreran kaxa bat jarriko dute eta errifa-txartelak gordeta dituztenek hara bota b...
Hirugarren aldiz zenbakia aterata ere saridunik agertu ez denez, Lazkaon erretako Fideletxeko bizilagunen aldeko errifan aldatu egin dute zozketa egiteko era. Udaletxeko sarreran kaxa bat jarriko dute eta errifa-txartelak gordeta dituztenek hara bota behar dituzte, ondoren zozketa han dauden papertxoen artetik egiteko. Txartelaren atzean izena eta bi abizen, eta telefono zenbakia idatzi behar dira. Zozketa otsailaren 28an egingo dute.
Bestetik, Lazkaotxiki musika eskolako irakasleek kontzertu berezia egingo dute Fideletxeko bizilagunentzat dirua biltzeko. Emanaldia hilaren 25ean 22:00etan da, Arerian. Sarrerak (10 euroan) aurrez ere jarri dituzte salgai; udaletxean, Gerrikon, Maitten eta Ipotxen eros daitezke.
