Kantu Girako kideek gaur egingo dute otsaileko saioa
Beasain Kantari taldeko kideek gaur arratsaldean egingo dute otsaileko Kantu Gira saioa. Hilero bezala, gaur ere Igartzako zubian elkartuko dira 18:30ean eta handik abituta herria zeharkatuko dute kantuan. Euskal kantuak izango dira denak eta ia guzti...
Beasain Kantari taldeko kideek gaur arratsaldean egingo dute otsaileko Kantu Gira saioa. Hilero bezala, gaur ere Igartzako zubian elkartuko dira 18:30ean eta handik abituta herria zeharkatuko dute kantuan.
Euskal kantuak izango dira denak eta ia guztiak ezagunak gehienentzat. Baten batek abestiren bat jakingo ez balu partiturak eta letrak ere banatuko dituzte. Musikaz lagunduta ariko dira gaur ere eta herriko hainbat txokotan geldialdiak egingo dituzte abesteko.
Ekimenean parte hartzeko ez dago zertan taldeko kide izan, aipatutako orduan zehaztutako lekuan agertzea nahikoa da. Antolatzaileek baldintza bakarra jartzen dute: kanturako gogoa izatea.
