Zine emanaldiak Latxartegin
Apirilean amaituko da Latxartegi aretoko zine emanaldien denboraldia. Ostiraletan eta igandetan egingo dituzten hiruna emanaldik itxiko dute zikloa. Zine klub saioetan Yo soy el amor, Cyrus eta De dioses y hombres filmak proiektatuko dituzte, datozen h...
Apirilean amaituko da Latxartegi aretoko zine emanaldien denboraldia. Ostiraletan eta igandetan egingo dituzten hiruna emanaldik itxiko dute zikloa.
Zine klub saioetan Yo soy el amor, Cyrus eta De dioses y hombres filmak proiektatuko dituzte, datozen hiru ostiraletan, hurrenez hurren. Hala, ostiral honetan Luca Guadagnino italiarraren Yo soy el amor filma ikusi ahalko da Latxartegin. 22:15ean hasiko dute proiekzioa.
Igandetako saioetan ere film hauek errepikatuko dituzte astero, aste honetan izan ezik. Hemen Bright star filma egongo da ikusgai. 19:30ean egingo dituzte proiekzio hauek.
Haurrentzako filma aldiz, Mystikal izango da, eta 3an proiektatuko dute, euskaraz. 17:00etan hasiko dute emanaldi hau. Dibulitoon enpresa gipuzkoarrak ekoiztu du eta Barton Filmsek banatu.
Mystikal ikuslego familiarrari zuzenduta dago. Erdi Aroko fantasiazko testuinguru batean oinarrituta, Eldyn-en abentura kontatzen du, hutsegite “txiki” baten erruz nahaspilatuta ikusten den azti ikastun inuxente eta trakets bat. Protagonistak eragindako kaltea konpondu beharko du, eta horretarako Fira ninfa txikiaren laguntza izango du. Bidean zehar Mystikal munduan bizi diren izaki magiko desberdinak aurkituko dituzte.
Iban Garatek Eldyn protagonista gaztea antzezten du, ETBko Goenkale eta Martin telesailetan edota Aupa Etxebeste filmean ikusi duguna. Aktoreen zerrenda beste aurpegi ezagun batzuk osatzen dute: Savitri Ceballos, Ramón Agirre, Kandido Uranga, Maite Aguirre,…
