Biok Zerbitzuakek irabazi egin dio EHU Arabari
EAEko maila nagusira igotzeko faseko bigarren partida jokatu du asteburuan Biok Zerbitzuak OKE-k EHU Arabaren aurka, eta lehenegoan ez bezala, oraingoan irabazi egin du (74-64). Majori kiroldegia bete-bete eginda zegoela jokatu zen partida, garai onene...
EAEko maila nagusira igotzeko faseko bigarren partida jokatu du asteburuan Biok Zerbitzuak OKE-k EHU Arabaren aurka, eta lehenegoan ez bezala, oraingoan irabazi egin du (74-64). Majori kiroldegia bete-bete eginda zegoela jokatu zen partida, garai onenetan bezalaxe, baina hala ere, dezente sufritu behar izan zuten taldearen garaipenarekin gozatzen hasteko. Arabarrak izan ziren nagusi lehen laurdenean (13-19), eta bigarrenean, goierritarrak txukunago aritu ziren, atsedenaldira 32nako berdinketarekin joanez.
Handik bueltan, ordea, behera egin zuten berriz Biok Zerbitzuakeko mutilek, eta gasteiztarrek 15 puntuko aldea lortu zuten 8 minutuan (40-55). Goierritarrek entrenatzaileak hutsartea eskatu zuen, defentsako sistema aldatu eta 16 eta 0ko partziala lortu zuten, markagailuan aurretik jarriz. Ikusleen bultzadari eta jokalarien jarrera aldaketari esker, goierritarrek aldea handitu zuten markagailuan, partida erraz irabaziz (74-64).
