Drogekin trafikatzeagatik bi lagun atxilotu ditu Ertzaintzak Zumarragan
Atzo, arratsaldeko zazpiak eta erdietan Ertzaintzak bi lagun atxilotu zituen Zumarragako San Isidro auzoan drogakin trafikatzea leporatuta. Bizilagun batek Ertzaintzara deitu zuen bi lagun kalean droga kontsumitzen ari zirela esanez. Bi atxilotuak banku batean jarrita zeuden kokaina manipulatzen, Ertzaintzak bi dosi eta droga pisatzeko gailua atzeman zizkien. Poliziak 38 eta 47 urteko bi gizonak identifikatu zituen eta Ertzain-etxera eraman zituen atxilotuta, orain epaitegira joateko zain daude.
