I. Gazte Eguna ospatuko dute larunbatean gaztelekukoek antolatuta
I. Gazte Eguna ospatuko dute larunbatean (apirilak 16) Bele Gazte gaztelekuko partaideek antolatuta. 16:00etan emango diote hasiera egitarauari. Haurrek hainbat jolasetan parte hartzeko aukera izango dute lehendabizi. 17:30etan buruhandiak ibiliko d...
I. Gazte Eguna ospatuko dute larunbatean (apirilak 16) Bele Gazte gaztelekuko partaideek antolatuta. 16:00etan emango diote hasiera egitarauari. Haurrek hainbat jolasetan parte hartzeko aukera izango dute lehendabizi. 17:30etan buruhandiak ibiliko dira Zegamako kaleetan barrena eta txokolatea jateko aukera ere izango dute. Segidan dantza saioa egingo dute dantzariek, eta 18:30ean gazteek jolasetan parte hartu ahalko dute. Ondoren trikipoteoa egingo dute Zegamako tabernetan eta nahi duenak parrandan segitzeko aukera izango du.
Emanzipakzio proiektuaren barruan
Gazte Eguna Emanzipakzio programaren barruan atolatuko dute Zegamako gazteek. Udalak eta Aldundiak antolatutako Gipuzkoa mailako proiektua da. Proiektuak egiten ikasteko topaketa praktiko formatiboa egin zuten lehendabizi gazteek otsaileko asteburu batean Zarauzko aterpetxean, beste sei herritako gaztelekuetako kideekin batera. Gazte talde bakoitzak bere herrian inpakua izango duen beraiek diseinatutako proiektu baten prestaketa eta garapena egin behar izan dute eta larunbat honetan egingo duten Gazte Eguna da emaitza.
Ondoren maiatzean, beste topaketa bat egingo dute Orion, herri desberdinetan abian jarritako proiektuen balorazioa egiteko, eta egitasmoari bukaera emateko.
