Almitzak Euskal Herriko sega ligaxka antolatu du, Europakorako baliagarri
Zaldibiako Almitza elkarteak Euskal Herriko III. Bakarkako Sega Ligaxka antolatu du, eta izena emateko deialdia zabaldu du. Ligan bildutako puntuen arabera aukeratuko dituzte abuztuaren 20an eta 21ean Esloveniako Cerklje na Gorenjskem herrian jokatuko ...
Zaldibiako Almitza elkarteak Euskal Herriko III. Bakarkako Sega Ligaxka antolatu du, eta izena emateko deialdia zabaldu du. Ligan bildutako puntuen arabera aukeratuko dituzte abuztuaren 20an eta 21ean Esloveniako Cerklje na Gorenjskem herrian jokatuko den Europako Sega Txapelketarako Euskal Herria ordezkatuko duten segalariak.
Euskal ligaxkan hiru saio jokatuko dira: maiatzaren 21ean Basaburuan (Nafarroa), ekainaren 5ean Azpeitian (Gipuzkoa), eta ekainaren 18an Baliarrainen (Gipuzkoa). 15 segalari izendatuko dituzte Europakorako, 30 urtez azpiko lau emakume eta zazpi gizonezko, eta 30etik gorako emakumezko bat eta hiru gizonezko.
Izena maiatzaren 1erako eman behar da (almitzasega@yahoo.es, 615 74 34 11, 669 64 11 97).
